Otros libros que te pueden interesar

• 

  O Parnaso sobre rodas

  Christopher Morley

  • 0
  • 0
  • 0

  Helen McGill é unha muller de 39 años que vive nunha granxa co seu irmán, Andrew, ao que só lle interesa converterse nun escritor famoso. Helen está cansa de ter que coidar sempre del, así que, cando Roger Mifflin se presenta na súa casa coa intención de venderlle a súa librería ambulante a Andrew, decide mercala ela mesma. Helen quere aproveitar esta oportunidade para vivir as súas propias aventuras e percorrer o mundo, e a travesía co señor Mifflin, chea de andanzas e sucesos extraordinarios, fai que se entusiasme coa natureza e cos libros e descubra os valores e o estilo de vida dun vendedor ambulante.

  Ver libro

• 

  Avelaiñas Eléctricas

  Sica Romero

  • 0
  • 0
  • 0

  Avelaíñas eléctricas é a historia de dúas mulleres galegas na súa vintena, Olivia e Mariña, que ao remataren a carreira de Historia da Arte, e trala súa ruptura amorosa, marchan lonxe da casa, das familias e de todo canto coñecen para buscar un futuro e buscarse a si mesmas. 
  As voces das dúas protagonistas vanse alternando para expoñer as propias experiencias e o fondo dos seus pensamentos, debullando o pasado para comprender as circunstancias e tamén as decisións que as puxeron no lugar en que se atopan. 
  Olivia, que agora vive en Barcelona e se gaña a vida como camareira, consegue que unha galería de arte acepte o seu proxecto artístico... Inda que decontado descubrirá que no mundo da arte non todo é o que semella. Mentres se afai á cidade, debe tamén facer fronte ás consecuencias de ter crecido nunha familia coa que non pode contar e da cal sempre foi e segue a ser responsable, mesmo na distancia. 
  Mariña consegue traballo nun museo de arte contemporánea. Entre descoñecidos, loita contra as pantasmas do pasado tratando de comprender o suicidio da súa tía Mar, ao tempo que agocha o medo, vergonza e dor dun trauma do pasado que a persegue cada día e a distancia de si mesma e do mundo que a arrodea. 
  Enfiando as historias, as dúas protagonistas navegan os días e as súas vidas coa forza que se precisa para seguir adiante, distanciadas mais téndose sempre presentes.

  Ver libro

• 

  Pecados veniais - Nazaret López...

  Nazaret López Rodriguez

  • 0
  • 0
  • 0

  Vinganza, traizón, envexa, ira, mentiras, luxuria, avaricia. Casualidades e causalidades. Faltas máis ou menos graves, erros fatais. Coma elos dunha mesma cadea, as mulleres que transitan por «Pecados veniais» teñen en común a circunstancia de que nun intre da súa vida algo as leva a tomar decisións, a adoptar condutas, a converterse en protagonistas de sucesos que xamais imaxinaron representar. Esta escolma de historias enfiadas, non exentas de humor acedo, pon o foco na traseira desas situacións, esperadas ou inesperadas, que de socate cambian a vida de quen as padece. Os abusos a menores, o acoso no traballo, a precariedade laboral, o dereito a ter unha vivenda, a decidir ser ou non ser nai e a elixir profesión por riba do xénero son asuntos que pairan tamén sobre esta historia. Unha historia que retrata a sociedade hostil en que vivimos e que fai aínda máis vulnerables as mulleres.

  Ver libro

• 

  Formigas nos pés - Nazaret López...

  Nazaret López Rodriguez

  • 0
  • 0
  • 0

  "Formigas nos pés" é unha novela que aborda a dór dunha muller por motivo dunha ruptura e que encontrase soa aos 50 anos. Esta situación obrigalle a reinventarse, a historia de alguén que inicia un novo comezo sen a axuda da persona que cría estaría siempre o seu lado.

  Ver libro

• 

  Como o can ao trousado

  Manoel da Costa

  • 0
  • 0
  • 0

  «O día anterior, tan solitario e aburrido; e hoxe, tan acompañado polas túas cartas!»Sabela recibe da súa avoa unha terrible herdanza: unha caixa ateigada de fragmentos de vida. Nela, ademais dun monllo de cartas hai toda unha arqueoloxía de pequenos tesouros: envoltorios de azucre, panos de mesa de cafeterías diversas, recortes con debuxos e postais do Museo do Prado. Todo un rastro documental dun namorado do que nunca se escoitara falar na familia.A través desta herdanza, Sabela tenta recompoñer a identidade secreta da súa avoa e a verdade sobre un home que escribía desde as sombras dun tiránico servizo militar. Pero mergullarse nos silencios alleos implica un risco: descubrir que o pasado sempre regresa, como o can ao trousado, teimudo e inevitable, para reclamar o seu lugar no presente.Nesta complexa novela epistolar, a memoria funciona como un crebacabezas de papel onde cada sobre aberto é unha ferida que cicatriza ou unha desaparición que, por fin, comeza a explicarse.

  Ver libro

• 

  A comuna de Valdonelle

  Carlos Neira Suárez

  • 0
  • 0
  • 0

  Obra gañadora do VII Concurso Balbino de Relatos 
  Esta novela leva ao lector a unha profunda reflexión sobre o neorrural. Protagonizada por unha serie de urbanitas que deciden crear unha comuna nunha aldea abandonada do interior de Galicia. 
  Os protagonistas deberán enfrontarse aos lances propios dunha sociedade rural e todas as tensións derivadas de enfrontarse a ela dende unha visión urbanita. 
  Arquitecturizada con indubidable solvencia narrativa, “A comuna de Valdonelle” destaca polo interesante perfilado dos seus personaxes e a eficiente progresión dunha trama que leva con forza da man ao lector ata a derradeira páxina.  
  Unha lectura na que se reflicte o complexo mundo das relacións interpersoais a través dunha ficción baseada na construción dunha sorte de comuna societaria no rural.

  Ver libro