Other books that might interest you

• 

  Izan zitekeena - Herri Batasuna...

  Gorka Etxebarria Dueñas

  • 0
  • 0
  • 0

  Memoria eta errelatoa bezalako hitzak ahoz aho dabiltzan garaiotan, ohikoak dira historiaren interpretazio autolegitimatzaileak, iragana interpretatzen dutenak orainaldiko arrazoia atzera proiektatuz, zertan asmatu zen eta zertan ez argi utziz. Gorka Etxebarriak bestelako begirada batez berrikusten du Herri Batasunaren historia: sententziarik emateko asmorik gabe, une bakoitzean jokoan zeuden indarrak eta tentsioak xehe aletuz, izan zitezkeen —baina izan ez ziren— beste historiak ere izendatuz. 
  1978koa da koalizioaren sorrera-unea, baina egilea atzera-aurrera dabil etengabe, une haren erro historikoak ahalik eta konplexutasun handienaz harilkatu nahian: 60ko hamarkada itzultzen da zenbaitetan, frankismo hasieraraino ere bai noiz edo noiz, ostera ere 70-80ko hamarkadara etortzeko. Joan-etorri horretan, hainbat galdera plazaratzen ditu: zein korronte ideologikok eragin zuen Herri Batasunaren sorreran? Nola interpretatu zituzten Franco hil osteko baldintza historikoak? Zer esan nahi zuen Euskal Herri Langileak, eta nola eraiki zen subjektu hori? Zer harreman izan zuen koalizioak tradizio antifrankistarekin, langile-mugimenduko eta auzo-elkarteetako kultura asanblearioarekin, euskalduntasun existentzialistarekin, edota kultur munduko mugimendu berriekin?
  Nekez topa daiteke orriotan erantzun definitiborik. Liburuak, ezer egitekotan, irakurlea gonbidatzen du garai hari barrutik erreparatzera, orduko zentzu-markoak eta horizonteak ahal bezainbat disekzionatuz. Orriz orri, gertakari zehatzak eta protagonisten bizipenak txirikordatuz, kultura politiko baten askotariko dimentsioak zabaltzen dira, esplorazio-eremu batean nola. Eta eremu horretan historia etengabeko disputa da, garaian garaiko protagonistek beren ekinez eraikitzen duten hari hauskorra.
  Liburu honetan barneratzen denak, proiektu politiko baten erroez gain, topatuko du hortik haragoko zerbait ere: Euskal Herriaren historia garaikideko aldi konplexu eta sutsu baten erradiografia sakona

  Show book

• 

  Humanitatearen une gorenak

  Aritz Galarraga

  • 0
  • 0
  • 0

  «Hemen ere, artearen eta bizitzaren eremu guztietan bezala, une gorenak, ahaztezinak, oso arraroak dira», idatzi zuen Stefan Zweig austriarrak. Horretaz kontziente, Aritz Galarragak liburu honetan bildu ditu humanitatearen une goren batzuk, alegia, eguneroko bizitza arruntaren gauza txikiak, gorabehera ezdeusak, lehen kolpean atentzio berezirik ematen ez dutenak, aktualitatearen diktaduratik urrundu eta inguruko errealitateari begiratzen diotenak. 
  Ezinbestean agertzen dira hala irakurketak, lagunarteak, kotidianitateak eskaintzen dituen sorpresa atseginak –eta, batzuetan, ez hain atseginak–. Paseoaz, siestaz, ardoaz ari zaizkigu testu batzuk, hilerrietako bisita, edertasun, inskripzioez beste batzuk, Mitteleuropaz, Mediterraneoaz, noski Frantziaz, eta ia-ia pertsonaia balira bezala azaltzen dira Annie Ernaux, Chantal Akerman, Antoine Compagnon edota MZ; eta, besteren gainetik, haiek sortutako obrak.
  Jatorrian prentsarako zutabe, biziberrituta agertzen dira Humanitatearen une gorenak liburua osatzen duten testuak, edizio lan zorrotz bati esker; modu horretan, pieza solte zirenak, haien arteko elkarrizketan ari zaizkigu hemen, barne korronte sendoez zeharkatuak, osotasunean. Eta azken emaitza, hartara, saiakera literario askotariko bat da, Michel de Montaignek ireki zuen bidetik, idazlearen kezka itxuraz hutsalak, eta era berean erabat unibertsalak, modu pertsonalean ekartzen dituena.

  Show book

• 

  Uda batez Montaignerekin

  Antoine Compagnon

  • 0
  • 0
  • 0

  Duda-mudatan sobera luzatu gabe onartu zuen Antoine Compagnon idazle, irakasle eta akademiari frantsesak France Inter kate ezagunak 2012ko udan, uztail eta abuztuko hiletan, Michel de Montaigneri buruz egunero aurkeztuko zen irrati-saio bat prestatzeko gonbita. Esperientzia hartatik sortu zen tratatu burutsu bezain entretenigarri hau, Uda batez Montaignerekin. Iradokizun pindartsuz beteriko gogoeta bizien eskutik datorkigu berrogei kapitulutan banatua den liburu hau eta, haren bitartez, aukera paregabea eskaintzen die Compagnonek Montaigneren lana ezagutzen ez duten irakurleei haren distira bereziaren berri izan dezaten, eta haren obraren indarra, bizitasuna eta gaurkotasun iraungiezina ere ekarriko dizkie gogora izen hori horren arrotz ez dutenei. 
  Biziberritu egin ditu Compagnonek Montaigneren gogoetak, askok harengan itxuratu nahi izan duten idazle ermitaua bazter utzi eta berariaz ekin dio pentsamolde konplexua eta analisirako gaitasun harrigarria ageri dituen pentsalari nortasun berezi honi, Berpizkundeko pertsonaia handi honi. Bordeleko alkate izan zen Montaigne, ez zien bere garaiko eginkizunei bizkar eman eta adorez heldu zien une zailetan bizi izan zituen kezka eta arazoei. Hogei urtean zehar idatzi zituen bere Entseiuak, eta denboratik ateko gaiak hartu zituen haietan bereziki aintzat. Erlijioak, gerrak, botereak eta adiskidetasunak auzitan jarritako gai handiak bezala, giza jendearen eguneroko ezdeuskeria ñimiñoak ere gogoan harturik, gizaki izateak zeinahi arotan esan nahi duen guztiaren gaineko gogoeta hunkigarria eskaintzen digute Montaigneren Entseiuek.

  Show book

• 

  Euskal Herriko 40 emakume - Egon...

  Cira Crespo

  • 0
  • 0
  • 0

  LABURPENA:Kuxkuxeroa zara?Gustatzen zaizu zu jaio baino lehenzure herrian zer gertatu zen jakitea?Eta mota askoko jendea ezagutzea?Orduan, hau da zure liburua.Hemen ezagutuko dituzugure gizarteari egindako ekarpenagatik erreferentzia direnEuskal Herriko emakumeak eta gizataldeak.Belaunaldi berrientzat erreferentzia direneta jada hilik dauden emakume haueihistoriak ez die merezi duten errekonozimendua eman.Eremu guztietako emakumeeklortu zituztenak ezagutaraziko dizkigute:idazleak, kazetariak, pedagogoak,bertsolariak, margolariak, argazkilariak,ilustratzaileak, sukaldariak.Ilustrazio deigarriak dituen liburua daeta teknika desberdinak erabili dira:akuarela, koloretako arkatzak, collage.Has zaitez emakume hauek ezagutzen,aho zabalik utziko zaituzte.IRAKURKETA ERRAZA bilduma, irakurtzeko eta ulertzeko zailtasunak dituzten pertsonei zuzenduta dago. Liburuetan hizkuntza erraza, zuzena eta egunerokoa erabiltzen da. Hizki handiak, bazter zabalak, ilustrazioak eta hitzen definizioak, koadroetan, erabiltzen dira.

  Show book

• 

  Nerabeen garrasia - Osasun...

  Maitane Ormazabal, Telmo Lazkano

  • 0
  • 0
  • 0

  Zer dakigu nerabeen osasun mentalari buruz? Nondik sortzen dira gaztetxoak atsekabetzen ari diren elikadura nahasmenduak, antsietatea, depresioa, autolesioak eta jokabide suizidak? Zergatik geratzen dira hainbeste gazte beren telefonoen amildegi birtualean ordu amaigabeetan kateatuta? Zer sekretu ezkutatzen dira sare sozialen atzean? Ezinbestekoa da aztertzea sare horien benetako funtzionamendua, inpaktu kognitiboa, emozionala eta mentala, eta, era berean, harreman sano bat bilatzea nonahi dagoen teknologia horrekin.
  Baina haratago joan gaitezen: zer gertatzen ari zaie gure gazteei? Zergatik ugaltzen ari dira osasun mentaleko arazoak aurrekaririk gabeko mailetaraino?
  Merezi du elikadura-nahasmenduen, antsietatearen, depresioaren, autolesioen eta jokabide suiziden labirintoan murgiltzea, haietan inguruneak izan ditzakeen eragin kezkagarriak argitze aldera. Zerk bultzatzen ditu joera kezkagarri horiek? Zeintzuk dira buru-hausgarri honen gakoak? Eta garrantzitsuena: nola lagundu dezakegu?
  Liburu honek erantzun nahi die galdera horiei guztiei. Horretarako, egileek planteamendu holistiko batetik jorratu dute gaia, zorroztasun handieneko ebidentzia zientifikoa, lehen mailako profesionalen jakintza eta esperientzia, egiaztatutako tresna praktikoak eta patologia horiei aurre egin dieten pertsonen benetako testigantzak bateratuz.
  Planteamendua integrala eta erabat dibulgatzailea da, ulerterraza eta praktikoa, eta tresna praktiko bat eskaintzea du helburu –irakurlearen kualifikazio-maila edozein dela ere–, nerabeen osasun mentalaren mundu konplexua esploratzeko, erronkak prebenitzeko, ulertzeko eta eraginkortasunez heltzeko funtsezko informazioa eskainiz, bereziki eskola-, familia- eta gizarte-esparrutik.
  Azken batean, itxaropenerako itsasargi bat eskaintzen du liburuak, eta ekintzarako premiazko deia ere bai, gure gizarteari eta, bereziki, gure nerabeei erronka gogorrak planteatzen dizkien garai honetan.

  Show book

• 

  Max oporretan doa

  Laida Martinez Navarro

  • 0
  • 0
  • 0

  Max hitz-totela da,eta oporretan Kanarietara joango da familiarekin.Hegazkinean Oierrekin, bere lagun minarekin, topatuko da.Zelako poza Maxentzat, baina ez Maxen familientzat!Oier eta Max elkarrekin beti bazterrak nahasten dabiltza,eta helduak aieneka.Anek, Maxen arrebak, laguntza ederra emango die denei. Gaitz erdi!Max eta Oier igerilekuan eta itsasoan bainatuko dira,Piratez mozorrotuko, miniclubeko marrazoen kontra borrokatuko dira.Horiek bai oporrak!Istorio original eta barregarri hauirakurketa errazakoa daeta marrazkiak dauzka.Gaztelaniaz eta euskaraz eskuragai.IRAKURKETA ERRAZA: ERRAZAGO bilduma, irakurtzeko eta ulertzeko zailtasunak dituzten pertsonei zuzenduta dago. Liburuetan hizkuntza erraza, zuzena eta egunerokoa erabiltzen da. Hizki handiak, bazter zabalak, ilustrazioak eta hitzen definizioak, koadroetan, erabiltzen dira.

  Show book