Otros libros que te pueden interesar

• 

  A comuna de Valdonelle

  Carlos Neira Suárez

  • 0
  • 0
  • 0

  Obra gañadora do VII Concurso Balbino de Relatos 
  Esta novela leva ao lector a unha profunda reflexión sobre o neorrural. Protagonizada por unha serie de urbanitas que deciden crear unha comuna nunha aldea abandonada do interior de Galicia. 
  Os protagonistas deberán enfrontarse aos lances propios dunha sociedade rural e todas as tensións derivadas de enfrontarse a ela dende unha visión urbanita. 
  Arquitecturizada con indubidable solvencia narrativa, “A comuna de Valdonelle” destaca polo interesante perfilado dos seus personaxes e a eficiente progresión dunha trama que leva con forza da man ao lector ata a derradeira páxina.  
  Unha lectura na que se reflicte o complexo mundo das relacións interpersoais a través dunha ficción baseada na construción dunha sorte de comuna societaria no rural.

  Ver libro

• 

  Portosanto

  Rodrigo Costoya

  • 0
  • 0
  • 0

  Século XV.
  É a fin dunha era. 
  Europa arde, inmersa en guerras fratricidas. Unha sombra fría esténdese sobre o continente, alimentada polo fanatismo e a barbarie. Lumes, torturas e autos de fe sementan odio entre os que un día viviron coma irmáns. Ademais, o avance do imperio otomán ameaza o corazón mesmo da cristiandade, bloqueando o subministro dos bens máis prezados. Todos os vieiros semellan cortados.
  Unha civilización enteira cambalea, e só un milagre podería salvala. Non hai ninguén que poida atopar unha saída, porque ás veces a verdade só está ao alcance dos elixidos. Daqueles que, sobre ombros de xigantes, poden ver o que hai alén do horizonte. De facer que o imposible sexa realidade.
  Este é o tempo que lle tocou vivir a Pedro, un bastardo nado nos confíns do Finis Terrae. Un meniño que medra na aldea de Portosanto, esquecido por todos e alleo ao transcendental destino que lle foi reservado.
  Estender luz sobre as tebras.
  Cambiar o mundo para sempre.

  Ver libro

• 

  Dous nenos coma ti - -

  Luis Rodríguez Cao

  • 0
  • 0
  • 0

  La novela narra las peripecias de dos niños inteligentes y sensibles que se ponen de acuerdo para ayudarse mutuamente y superar sus problemas escolares de una forma creativa.

  Ver libro

• 

  Pecados veniais - Nazaret López...

  Nazaret López Rodriguez

  • 0
  • 0
  • 0

  Vinganza, traizón, envexa, ira, mentiras, luxuria, avaricia. Casualidades e causalidades. Faltas máis ou menos graves, erros fatais. Coma elos dunha mesma cadea, as mulleres que transitan por «Pecados veniais» teñen en común a circunstancia de que nun intre da súa vida algo as leva a tomar decisións, a adoptar condutas, a converterse en protagonistas de sucesos que xamais imaxinaron representar. Esta escolma de historias enfiadas, non exentas de humor acedo, pon o foco na traseira desas situacións, esperadas ou inesperadas, que de socate cambian a vida de quen as padece. Os abusos a menores, o acoso no traballo, a precariedade laboral, o dereito a ter unha vivenda, a decidir ser ou non ser nai e a elixir profesión por riba do xénero son asuntos que pairan tamén sobre esta historia. Unha historia que retrata a sociedade hostil en que vivimos e que fai aínda máis vulnerables as mulleres.

  Ver libro

• 

  Loucine

  Clara Martín

  • 0
  • 0
  • 0

  Obra gañadora do VIII Concurso Balbino de Relatos.Tal e como describe a propia autora, "Loucine é unha bágoa esvarando lentamente pola meixela e dará nome á máis profunda soidade e á máis absoluta derrota. Pero se de toda esa desolación e dese estrago se logra saír, se se pode arrincar un chisco de luz na escura noite da destrución, se na fin do mundo volve amencer... entón non está todo perdido. A morte non sempre é o final, o esquecemento si".Loucine destaca polo gran traballo na caracterización dos personaxes nunha historia que atrapa pola intriga e que é quen de reflectir, con notable habelencia, unha sinfonía de soidades na que todos os seres deste relato atopan o seu lugar no mundo.

  Ver libro

• 

  Como o can ao trousado

  Manoel da Costa

  • 0
  • 0
  • 0

  «O día anterior, tan solitario e aburrido; e hoxe, tan acompañado polas túas cartas!»Sabela recibe da súa avoa unha terrible herdanza: unha caixa ateigada de fragmentos de vida. Nela, ademais dun monllo de cartas hai toda unha arqueoloxía de pequenos tesouros: envoltorios de azucre, panos de mesa de cafeterías diversas, recortes con debuxos e postais do Museo do Prado. Todo un rastro documental dun namorado do que nunca se escoitara falar na familia.A través desta herdanza, Sabela tenta recompoñer a identidade secreta da súa avoa e a verdade sobre un home que escribía desde as sombras dun tiránico servizo militar. Pero mergullarse nos silencios alleos implica un risco: descubrir que o pasado sempre regresa, como o can ao trousado, teimudo e inevitable, para reclamar o seu lugar no presente.Nesta complexa novela epistolar, a memoria funciona como un crebacabezas de papel onde cada sobre aberto é unha ferida que cicatriza ou unha desaparición que, por fin, comeza a explicarse.

  Ver libro