Outros livros que poderiam interessá-lo

• 

  Keikó - Hvalur í heimsreisu

  Kristín Helga Gunnarsdóttir

  • 0
  • 0
  • 0

  „Keikó – Hvalur í heimsreisu“ eftir Kristínu Helgu Gunnarsdóttur er myndskreytt barnabók um fræga háhyrninginn Keikó, sem margir þekkja úr kvikmyndinni Free Willy. Í bókinni er sagt frá ævintýralegri lífsreisu Keikós: frá því að hann er haldinn í sædýragarði, yfir í að hann er fluttur til Íslands, endurhæfður í Klettsvík og síðan látinn halda út í hafið aftur. Lesandinn fylgir Keikó um heiminn, kynnist aðstæðum hans, umönnuninni sem hann fær og voninni um frelsi hans. 
  Bókin er sögð á aðgengilegan hátt fyrir börn, með áherslu á samúð með dýrinu, umhverfis- og náttúruvernd og spurningar um hvernig við komum fram við villt dýr. Myndir Hallgríms Stefáns Ingólfssonar og Aðalsteins Svans Sigfússonar styðja við söguna og gera ferðalag Keikós lifandi fyrir unga lesendur. Hún hentar vel fyrir grunnskólabörn sem hafa áhuga á dýrum, sjónum og umhverfismálum, og má nýta í umræðum um dýravelferð og ábyrgð manna gagnvart náttúrunni.

  Ver livro

• 

  Milljón steinar - og Hrollur í...

  Anônimo

  • 0
  • 0
  • 0

  Í Milljón steinar og Hrollur í dalnum segir frá Heklu sjö ára. Hekla á systurina Kötlu, eins árs, og afar upptekna foreldra, enda á fullu í hinu svokallaða lífsgæðakapphlaupi. Sagan gerist þegar foreldrar systranna sjá færi á því að lyfta sér upp milli anna með því að fara í stutta ferð til Parísar. Ekki væsir heldur um Heklu og Kötlu, því að systurnar dvelja í góðu yfirlæti hjá afa og ömmu á Nornabjargi í Skessudal á meðan foreldrarnir eru í burtu. 
  Hekla er frísk stelpa með öflugt ímyndunarafl. Á þann eiginleika leikur afi til að forða því að hún fari sér að voða í ánni. Hann spinnur upp kyngimagnaða sögu í ljóðsagnastíl með öllu tilheyrandi, skrímslum, tröllum og huldufólki, og hvikar ekki eitt augnablik frá því að farið hafi verið með annað en berstrípaðan sannleikann. 
  Amma fussar og sveiar, enda stendur hún ólíkt afa báðum fótum á jörðinni. Ömmu er ekkert sérstaklega um sveitina gefið og vildi miklu frekar stússast í búðinni sinni hjá Fjólu en að húka þar í öllum veðrum. Af augljósum ástæðum er Hekla því meiri afa- en ömmustelpa. 
  Kyngimagnaðar verurnar í sögu afa spretta ljóslifandi fram í hugskotsjónum hennar á meðan á sveitadvölinni stendur. 
  Hámarki nær atburðarásin þegar Hekla læðist út til að létta álögum af heimasætunni í Tungu um miðnætti eina nóttina. Henni tekst ætlunarverkið og farsæll endir virðist í sjónmáli þegar hinn misheppnaði veiðihundur Eyjólfur lendir í óvæntum hrakförum. Hann flækist í öngli veiðimanns og þarf að heimsækja dýralækni til að hljóta bót meina sinna. 
  Frásögnin er skrifuð frá sjónarhóli Heklu og einkennist af frábæru innsæi og gætni nánast hvar sem borið er niður. 
  Hekla er afar lifandi og heilsteypt persóna frá höfundarins hálfu. Smáir atburðir geta virst stórir, atburðir rekið hvern annan, myndað æsispennandi atburðarás og ótrúlega ævintýraheima. 
  Stórskemmtilega og æsispennandi saga.

  Ver livro

• 

  Fíasól og litla ljónaránið

  Kristín Helga Gunnarsdóttir

  • 0
  • 0
  • 0

  Manstu þegar mamma og Bidda systir fóru til Kaupmannahafnar að lyfta sér upp?  
  Þær fóru bara tvær. Pippa varð dálítið leið, en Fíasól varð öskureið. 
  En óvænt og alveg upp úr þurru fengu Fíasól og Pippa að koma á eftir þeim með ömmu Gógó í dálitla skemmtiferð.  
  Þær hittu Glóu frænku og Gutta strákinn hennar í Köben og heimsóttu Lóló afasystur. Svo gistu þær hjá Stínu stóru sem var næstum tannlaus magadansari.  
  Og kannski manstu þegar Fíasól týndi húfunni í Tívolíinu og amma Gógó var göbbuð upp í hraðlest Óðins? Og svo fóru þau heim til Íslands eftir vel heppnaða skemmtiferð til Kaupmannahafnar.  
  Auðvitað var það ekki sagan öll! 
  Í ferðinni gerðust fáránlegir atburðir sem fjölskyldan á ennþá erfitt með að segja frá. Fíasól á erfitt með það af því að hún skammast sín svo mikið. Amma, mamma og Glóa eiga erfitt með það af því að þær eru svo hneykslaðar á sjálfum sér. Pippa, Gutti og Bidda eiga erfitt með að tala um það af því að þeim finnst það ennþá svo heimskulegt. Pabbi á hinsvegar erfiðast með það af því að hann var ekki á staðnum og veit svo lítið hvað gerðist.  
  Það er svo sannarlega kominn tími til að segja þessa sögu. 

  Ver livro

• 

  Fíasól er flottust - er flottust

  Kristín Helga Gunnarsdóttir

  • 0
  • 0
  • 0

  Fíasól er flottust er fjórða bók Kristínar Helgu Gunnarsdóttur um Fíusól, sem nú er orðin níu ára gömul. Sem fyrr býr hún með foreldrum og tveimur eldri systrum og er ákaflega uppátækjasöm. Bækurnar um Fíusól hafa verið sérlega vinsælar meðal barna og ekki að ósekju, því hér er blandað saman næstum fantastískum ævintýrum og hinu ofurhversdagslega, með dágóðum skammti af uppeldisyfirbragði - allt sett fram af hæfilegri alvöru. 
  Bækurnar um Fíusól eru næstum eins og einskonar smásagnasöfn, með sögum sem tengjast saman í eina heild, en bækurnar skiptast í nokkra kafla sem hver um sig segir frá einu uppátæki. Hér er til dæmis sagt frá skólaverkefni um drauga sem verður til þess að fjölskyldan fer að heimsækja draugasetrið með dramatískum afleiðingum - ekki síst fyrir pabba Fíusólar. Fíasól er mikil útivistarmanneskja og útilegur koma nokkuð við sögu, í einum kaflanum fer hún með afa og ömmu í sumarbústað, en sú ferð endar með ósköpum, og í öðrum kafla langar hana svo mikið að sofa í tjaldi að hún skrúfar rúmið sitt í sundur og tjaldar inni í herberginu sínu. Það innanhúss-útilegu-ævintýri er svo endurtekið þegar þau félagarnir Ingólfur ákveða að nú sé komið sumar og heimta að tjalda úti í garði, en það er enn svo kalt að á endanum flýja þau inn í stofu með kúlutjaldið og sofa þar vært. Og svo koma jólasveinar og sjóræningjar við sögu.

  Ver livro

• 

  Í Mánaljósi - Ævintýri...

  Anônimo

  • 0
  • 0
  • 0

  Í Mánaljósi hefur undirtitilinn „Ævintýri Silfurbergsþríburanna“. Það eru 12 ára gamlir þríburar, Íris Ína, Ísabella og Júlíus, sem eru aðalpersónur sögunnar og spannar frásögnin af ævintýrum þeirra rúmlega hálft ár en aðallega segir frá einu sumri sem þau eyða í Kaupmannahöfn. Í upphafi sögunnar eru þau fremur óhamingjusöm börn forríkra hjóna sem ausa yfir þau efnislegum gæðum en hafa engan tíma og takmarkaða ástúð að veita. Þau njóta hins vegar ástar og umhyggju filippeyskrar vinnukonu, Rósalindu. 
  Margar litríkar persónur koma við sögu í þessari bók. Þríburarnir, sem hafa hver sín persónueinkenni, eru sendir hálfnauðugir til sumardvalar hjá ömmusystur sinni, Emilíu Sólborgu, svo að foreldrarnir geti gengið frá skilnaði sínum, sölu og skiptingu eigna, og unnið sína vinnu og yfirvinnu án þess að börnin séu að flækjast fyrir. Emilía frænka býr í Mánaljósi í Friðarbæ, sem er hverfi í Kaupmannahöfn þar sem búa gamlir hippar og alls kyns furðufuglar (fyrirmyndin Kristjanía er auðþekkjanleg).  
  Hjá litskrúðugri Emilíu læra þríburarnir að setja andleg verðmæti ofar hinum efnislegu, auk þess sem þau kynnast bæði jákvæðum og neikvæðum hliðum hins fjölskrúðuga mannlífs í Friðarbæ. 
  Kristín Helga skrifar fjörlegan stíl og er leikin í að búa til aukafléttur inn í meginfrásögn sína þannig að frásögnin er alltaf lifandi og heldur athygli lesandans. 
  Faðir þríburanna, Svanur Silfurberg, er eiginlega sú persóna sem neikvæðust er í bókinni; hann virðist ekkert læra af skipbroti hjónabandsins. Móðir þeirra, Sigurlína, tekur hins vegar jákvæðum breytingum í rás sögunnar, svo og móðuramma þeirra, Karólína, sem fer í meðferð. 
  Í Mánaljósi er bók sem ætluð er eldri lesendum en fyrri bækur Kristínar Helgu. Þrátt fyrir að andstæðurnar séu hreinar og klárar þá er fjallað um alvarleg málefni í þessari bók; málefni sem snerta gildi og verðmætamat, hamingju og óhamingju, líf og dauða.

  Ver livro

• 

  Fíasól í Hosiló - í Hosiló

  Kristín Helga Gunnarsdóttir

  • 0
  • 0
  • 0

  Fíasól er sjö ára gömul gleðisprengja sem nýtur lífsins fram í fingurgóma. Samt býr hún í hræðilega herberginu í Grænalundi þar sem draugahópur hangir undir rúminu hennar. Hún móðgar jólasveina og strætóbílstjóra og þarf að fara í hættulega fjallgöngu og veiðiferð að næturlagi. 
  Fíasól í hosiló eru gleðisögur af duglegri stelpuskottu eftir Kristínu Helgu Gunnarsdóttur. 
  Sá sem veit nákvæmlega hvernig Fíasól lítur út og er flinkastur allra að teikna hana heitir Halldór Baldursson.

  Ver livro