Outros livros que poderiam interessá-lo

• 

  Milljón steinar - og Hrollur í...

  Anônimo

  • 0
  • 0
  • 0

  Í Milljón steinar og Hrollur í dalnum segir frá Heklu sjö ára. Hekla á systurina Kötlu, eins árs, og afar upptekna foreldra, enda á fullu í hinu svokallaða lífsgæðakapphlaupi. Sagan gerist þegar foreldrar systranna sjá færi á því að lyfta sér upp milli anna með því að fara í stutta ferð til Parísar. Ekki væsir heldur um Heklu og Kötlu, því að systurnar dvelja í góðu yfirlæti hjá afa og ömmu á Nornabjargi í Skessudal á meðan foreldrarnir eru í burtu. 
  Hekla er frísk stelpa með öflugt ímyndunarafl. Á þann eiginleika leikur afi til að forða því að hún fari sér að voða í ánni. Hann spinnur upp kyngimagnaða sögu í ljóðsagnastíl með öllu tilheyrandi, skrímslum, tröllum og huldufólki, og hvikar ekki eitt augnablik frá því að farið hafi verið með annað en berstrípaðan sannleikann. 
  Amma fussar og sveiar, enda stendur hún ólíkt afa báðum fótum á jörðinni. Ömmu er ekkert sérstaklega um sveitina gefið og vildi miklu frekar stússast í búðinni sinni hjá Fjólu en að húka þar í öllum veðrum. Af augljósum ástæðum er Hekla því meiri afa- en ömmustelpa. 
  Kyngimagnaðar verurnar í sögu afa spretta ljóslifandi fram í hugskotsjónum hennar á meðan á sveitadvölinni stendur. 
  Hámarki nær atburðarásin þegar Hekla læðist út til að létta álögum af heimasætunni í Tungu um miðnætti eina nóttina. Henni tekst ætlunarverkið og farsæll endir virðist í sjónmáli þegar hinn misheppnaði veiðihundur Eyjólfur lendir í óvæntum hrakförum. Hann flækist í öngli veiðimanns og þarf að heimsækja dýralækni til að hljóta bót meina sinna. 
  Frásögnin er skrifuð frá sjónarhóli Heklu og einkennist af frábæru innsæi og gætni nánast hvar sem borið er niður. 
  Hekla er afar lifandi og heilsteypt persóna frá höfundarins hálfu. Smáir atburðir geta virst stórir, atburðir rekið hvern annan, myndað æsispennandi atburðarás og ótrúlega ævintýraheima. 
  Stórskemmtilega og æsispennandi saga.

  Ver livro

• 

  Hrauntrölllin - Kristall eldsins

  Björgvin Gudjónsson

  • 0
  • 0
  • 0

  Í fjarlægum neðanheimum þar sem kvika glampar og bergið syngur, búa Hrauntröllin. Þau eru ekki grá og illskeytt eins og þjóðsögurnar segja, heldur skoplegar verur sem vinna, syngja og búa til list úr hrauni. 
  Þar stendur upp úr Neisti, ungi sonur Loga öldungs. Hann er bjartari en flestir – bókstaflega – og dreymir um eitthvað meira en að „bara vera“. Þegar jörðin nötrar og rödd úr djúpinu kallar hann til, leggur Neisti af stað í ævintýri sem leiðir hann upp á yfirborðið í leit að hinu forna Kristalli eldsins. 
  Á leiðinni hittir hann talandi kind, vitra seiðkonu, íströll með gátur og jafnvel eigin myrka tvíbura. Hann þarf að læra að treysta sjálfum sér, vini sínum og nýjum bandamönnum – því jafnvægi allra heima stendur og fellur með hugrekki hans. 
  Hrauntröllin – Kristall eldsins er fyrsta bókin í vinsælli röð um Hrauntröllin. Hún blandar saman húmor, ævintýrum og íslenskri náttúru í hjartnæma sögu um vináttu, fjölbreytileika og hugrekki.

  Ver livro

• 

  Fíasól í Hosiló - í Hosiló

  Kristín Helga Gunnarsdóttir

  • 0
  • 0
  • 0

  Fíasól er sjö ára gömul gleðisprengja sem nýtur lífsins fram í fingurgóma. Samt býr hún í hræðilega herberginu í Grænalundi þar sem draugahópur hangir undir rúminu hennar. Hún móðgar jólasveina og strætóbílstjóra og þarf að fara í hættulega fjallgöngu og veiðiferð að næturlagi. 
  Fíasól í hosiló eru gleðisögur af duglegri stelpuskottu eftir Kristínu Helgu Gunnarsdóttur. 
  Sá sem veit nákvæmlega hvernig Fíasól lítur út og er flinkastur allra að teikna hana heitir Halldór Baldursson.

  Ver livro

• 

  Fíasól og litla ljónaránið

  Kristín Helga Gunnarsdóttir

  • 0
  • 0
  • 0

  Manstu þegar mamma og Bidda systir fóru til Kaupmannahafnar að lyfta sér upp?  
  Þær fóru bara tvær. Pippa varð dálítið leið, en Fíasól varð öskureið. 
  En óvænt og alveg upp úr þurru fengu Fíasól og Pippa að koma á eftir þeim með ömmu Gógó í dálitla skemmtiferð.  
  Þær hittu Glóu frænku og Gutta strákinn hennar í Köben og heimsóttu Lóló afasystur. Svo gistu þær hjá Stínu stóru sem var næstum tannlaus magadansari.  
  Og kannski manstu þegar Fíasól týndi húfunni í Tívolíinu og amma Gógó var göbbuð upp í hraðlest Óðins? Og svo fóru þau heim til Íslands eftir vel heppnaða skemmtiferð til Kaupmannahafnar.  
  Auðvitað var það ekki sagan öll! 
  Í ferðinni gerðust fáránlegir atburðir sem fjölskyldan á ennþá erfitt með að segja frá. Fíasól á erfitt með það af því að hún skammast sín svo mikið. Amma, mamma og Glóa eiga erfitt með það af því að þær eru svo hneykslaðar á sjálfum sér. Pippa, Gutti og Bidda eiga erfitt með að tala um það af því að þeim finnst það ennþá svo heimskulegt. Pabbi á hinsvegar erfiðast með það af því að hann var ekki á staðnum og veit svo lítið hvað gerðist.  
  Það er svo sannarlega kominn tími til að segja þessa sögu. 

  Ver livro

• 

  Bíttu á jaxlinn Binna mín

  Anônimo

  • 0
  • 0
  • 0

  „Bíttu á jaxlinn, Binna mín“ eftir Kristínu Helgu Gunnarsdóttur er áhrifarík og nærgætin barnabók um það þegar lífið verður erfitt bæði heima og í vinahópnum. Binna glímir við „máttlausu veikina“ á sama tíma og pabbi hennar lendir í lífsháska og öryggi bestu vinkonu hennar, Tobbu, er ógnað. Höfundurinn sýnir á trúverðugan hátt hvernig kvíði, óöryggi og erfiðar aðstæður hafa áhrif á barn, en líka hvernig kjarkur, þrautseigja og vinátta geta hjálpað. Bókin hentar vel til umræðu um tilfinningar, fjölskylduerfiðleika og stöðu barna þegar mikið gengur á, og heldur lesendum samtímis spenntum og nærri hjartanu.

  Ver livro

• 

  Fíasól er flottust - er flottust

  Kristín Helga Gunnarsdóttir

  • 0
  • 0
  • 0

  Fíasól er flottust er fjórða bók Kristínar Helgu Gunnarsdóttur um Fíusól, sem nú er orðin níu ára gömul. Sem fyrr býr hún með foreldrum og tveimur eldri systrum og er ákaflega uppátækjasöm. Bækurnar um Fíusól hafa verið sérlega vinsælar meðal barna og ekki að ósekju, því hér er blandað saman næstum fantastískum ævintýrum og hinu ofurhversdagslega, með dágóðum skammti af uppeldisyfirbragði - allt sett fram af hæfilegri alvöru. 
  Bækurnar um Fíusól eru næstum eins og einskonar smásagnasöfn, með sögum sem tengjast saman í eina heild, en bækurnar skiptast í nokkra kafla sem hver um sig segir frá einu uppátæki. Hér er til dæmis sagt frá skólaverkefni um drauga sem verður til þess að fjölskyldan fer að heimsækja draugasetrið með dramatískum afleiðingum - ekki síst fyrir pabba Fíusólar. Fíasól er mikil útivistarmanneskja og útilegur koma nokkuð við sögu, í einum kaflanum fer hún með afa og ömmu í sumarbústað, en sú ferð endar með ósköpum, og í öðrum kafla langar hana svo mikið að sofa í tjaldi að hún skrúfar rúmið sitt í sundur og tjaldar inni í herberginu sínu. Það innanhúss-útilegu-ævintýri er svo endurtekið þegar þau félagarnir Ingólfur ákveða að nú sé komið sumar og heimta að tjalda úti í garði, en það er enn svo kalt að á endanum flýja þau inn í stofu með kúlutjaldið og sofa þar vært. Og svo koma jólasveinar og sjóræningjar við sögu.

  Ver livro