Weitere Bücher, die Sie mögen werden

• 

  Elsku besta Binna mín

  Anonym

  • 0
  • 0
  • 0

  Sagan ,,gæti hafa gerst fyrir svona fimmtíu árum" eins og segir í bókarbyrjun og segir frá Binnu, níu ára stúlku í smábæ nálægt Reykjavík. 
  Binna hefur þá sérstöðu meðal barnanna í götunni að báðir foreldrar hennar vinna úti, en allar hinar mömmurnar eru heimavinnandi. Binna hefur lykil um hálsinn og sér um sig sjálf. Nóg er af leikfélögum og alltaf líf og fjör. Oftast gengur allt vel en stundum sést Binna ekki fyrir í uppátækjum sínum. 
  Hér er fullorðinn sögumaður að rifja upp atvik úr bernsku sinni. Þetta eru ljúfar minningar og frásögnin létt og skemmtileg. Það er gaman að sjá hvernig fyrsta kynslóð lyklabarna lítur til baka á bernskuárin. Teikningar Margrétar Laxness falla vel að textanum. Fyrir sjö til tíu ára.

  Zum Buch

• 

  Fíasól í fínum málum - í fínum...

  Kristín Helga Gunnarsdóttir

  • 0
  • 0
  • 0

  Fíasól er sjö ára stelpa sem fer sínar eigin leiðir. Til dæmis vill hún BARA ganga í bleikum fötum og svo hefur hún meira að segja rænt sjoppu, en það var nú alveg óvart og hún gerir það aldrei aftur. Oftar en ekki stangast annars fínar hugmyndir Fíusólar á við það sem fullorðna fólkið vill. Og þá getur hún verið í vondum málum. 
  Fíasól í fínum málum er fyrsta bókin um spræka stelpuskottið sem sigraði hjörtu íslenskra bókaorma eftir Kristínu Helgu Gunnarsdóttur. Halldór Baldursson gaf Fíusól líf í leiftrandi myndum.

  Zum Buch

• 

  Gallsteinar afa Gissa

  Anonym

  • 0
  • 0
  • 0

  Torfi og Gríma eiga virkilega leiðinlega fjölskyldu. Mamma þeirra er skipanaglaður harðstjóri með hollustuæði, pabbinn er viðutan vinnusjúklingur og Úlfur er ömurlegt unglingaskrímsli. 
  Systkinin dreymir um afslappað heimilislíf, gæludýr og gotterí. Getur hinn síglaði sjóari, afi Gissi, látið draumana rætast? Hvað gerist ef Torfi og Gríma eignast óskasteina? Geta óskir verið hættulegar? 
  „… skemmtileg saga sem sver sig í ætt við fyrri bækur höfundar.“ 
  Katrín Jakobsdóttir / DV 
  „… bráðskemmtileg bók fyrir börn á öllum aldri og foreldra þeirra.“ 
  Hildur Loftsdóttir / Morgunblaðið

  Zum Buch

• 

  Fíasól er flottust - er flottust

  Kristín Helga Gunnarsdóttir

  • 0
  • 0
  • 0

  Fíasól er flottust er fjórða bók Kristínar Helgu Gunnarsdóttur um Fíusól, sem nú er orðin níu ára gömul. Sem fyrr býr hún með foreldrum og tveimur eldri systrum og er ákaflega uppátækjasöm. Bækurnar um Fíusól hafa verið sérlega vinsælar meðal barna og ekki að ósekju, því hér er blandað saman næstum fantastískum ævintýrum og hinu ofurhversdagslega, með dágóðum skammti af uppeldisyfirbragði - allt sett fram af hæfilegri alvöru. 
  Bækurnar um Fíusól eru næstum eins og einskonar smásagnasöfn, með sögum sem tengjast saman í eina heild, en bækurnar skiptast í nokkra kafla sem hver um sig segir frá einu uppátæki. Hér er til dæmis sagt frá skólaverkefni um drauga sem verður til þess að fjölskyldan fer að heimsækja draugasetrið með dramatískum afleiðingum - ekki síst fyrir pabba Fíusólar. Fíasól er mikil útivistarmanneskja og útilegur koma nokkuð við sögu, í einum kaflanum fer hún með afa og ömmu í sumarbústað, en sú ferð endar með ósköpum, og í öðrum kafla langar hana svo mikið að sofa í tjaldi að hún skrúfar rúmið sitt í sundur og tjaldar inni í herberginu sínu. Það innanhúss-útilegu-ævintýri er svo endurtekið þegar þau félagarnir Ingólfur ákveða að nú sé komið sumar og heimta að tjalda úti í garði, en það er enn svo kalt að á endanum flýja þau inn í stofu með kúlutjaldið og sofa þar vært. Og svo koma jólasveinar og sjóræningjar við sögu.

  Zum Buch

• 

  Grímsævintýri - Ævisaga hunds

  Anonym

  • 0
  • 0
  • 0

  Hér fara æviminningar hundheppna hamingjudýrsins Gríms Fífils. Hann var fuglaveiðihundur sem veiddi aldrei fugla þótt hann gerði stundum flugu mein. Besta og Fúli völdu hann sérstaklega upp úr hvolpabæli úti í bæ og hann bjó með þeim og krílunum alla sína hundstíð. Grímur Fífill fór í hundaskóla en það átti ekki við hann. Samt kenndi Grímur Bestu og Fúla miklu meira en þeim tókst nokkru sinni að kenna honum. Góðir vinir ganga ekki endilega allir á tveimur fótum. 
  Grímur Fífill fól Kristínu Helgu Gunnarsdóttur að rita ævisögu sína, enda er hún með áratuga reynslu í að tala við hunda. Síðan bað hann Halldór Baldursson að teikna myndirnar því hann kann líka hundamál. 
  „Það er frásagnarmáti bókarinnar sem gerir hana eftirminnilega og sérstaklega skemmtilega. Í togstreitunni á milli hundmiðjaðrar frásagnar Gríms Fífils á atvikum í lífi sínu og skilnings lesandans á því sem raunverulega átti sér stað lifna æviminningarnar við og verða að ævintýrum.”Úr umsögn dómnefndar Fjöruverðlaunanna 
  „Mér finnst ég skilja hunda betur!“Kristján Kristjánsson / Föstudagsþátturinn, N4

  Zum Buch

• 

  Milljón steinar - og Hrollur í...

  Anonym

  • 0
  • 0
  • 0

  Í Milljón steinar og Hrollur í dalnum segir frá Heklu sjö ára. Hekla á systurina Kötlu, eins árs, og afar upptekna foreldra, enda á fullu í hinu svokallaða lífsgæðakapphlaupi. Sagan gerist þegar foreldrar systranna sjá færi á því að lyfta sér upp milli anna með því að fara í stutta ferð til Parísar. Ekki væsir heldur um Heklu og Kötlu, því að systurnar dvelja í góðu yfirlæti hjá afa og ömmu á Nornabjargi í Skessudal á meðan foreldrarnir eru í burtu. 
  Hekla er frísk stelpa með öflugt ímyndunarafl. Á þann eiginleika leikur afi til að forða því að hún fari sér að voða í ánni. Hann spinnur upp kyngimagnaða sögu í ljóðsagnastíl með öllu tilheyrandi, skrímslum, tröllum og huldufólki, og hvikar ekki eitt augnablik frá því að farið hafi verið með annað en berstrípaðan sannleikann. 
  Amma fussar og sveiar, enda stendur hún ólíkt afa báðum fótum á jörðinni. Ömmu er ekkert sérstaklega um sveitina gefið og vildi miklu frekar stússast í búðinni sinni hjá Fjólu en að húka þar í öllum veðrum. Af augljósum ástæðum er Hekla því meiri afa- en ömmustelpa. 
  Kyngimagnaðar verurnar í sögu afa spretta ljóslifandi fram í hugskotsjónum hennar á meðan á sveitadvölinni stendur. 
  Hámarki nær atburðarásin þegar Hekla læðist út til að létta álögum af heimasætunni í Tungu um miðnætti eina nóttina. Henni tekst ætlunarverkið og farsæll endir virðist í sjónmáli þegar hinn misheppnaði veiðihundur Eyjólfur lendir í óvæntum hrakförum. Hann flækist í öngli veiðimanns og þarf að heimsækja dýralækni til að hljóta bót meina sinna. 
  Frásögnin er skrifuð frá sjónarhóli Heklu og einkennist af frábæru innsæi og gætni nánast hvar sem borið er niður. 
  Hekla er afar lifandi og heilsteypt persóna frá höfundarins hálfu. Smáir atburðir geta virst stórir, atburðir rekið hvern annan, myndað æsispennandi atburðarás og ótrúlega ævintýraheima. 
  Stórskemmtilega og æsispennandi saga.

  Zum Buch