Emearen bidea supergizakiaren aroan

Galo Martínez de la Pera

Casa editrice: Alberdania

Sinossi

Liburu honek bide bat aurkezten du, komunitate ezezagun batera daraman bidea. Emearena da bide hori,
supergizakiaren garaian herri ukatu eta gutxituei dagokien biziraupen eta askapen bidea, hain zuzen ere.
Komunitate ezezagun horretara iristeko, zeharkatu beharreko hiru zirkulu bereizten ditu
saiakeragileak: lehenengoa, bizitzaren zirkulua; gogoaren zirkulua, bigarrena; eta komunitatearen zirkulua,
hirugarrena. Zirkulu bakoitzean askapen bat burutu beharko da. Bizitzaren zirkuluan, emea askatu beharko
da; gogoaren zirkuluan, berriz, irudimena; eta, komunitatearen zirkuluan, azkenik, jaia.
Zibilizazio kristauaren botere handienak izango ditugu zeregin zail horretan oztopo, emea, irudimena
eta jaia kateatzen dituzten zaindariak: ideologia genetikoa, logozentrismoa eta patriarkalismoa; hau da,
historian zehar kristau espirituak ─Espiritu Santuak, alegia─ sortu duen botere-hirutasunik indartsuena.
Saiakera honetan Martinez de la Pera aldarrikatzen duenez, bada Hirutasun Santu horrekiko lehian
garaile ateratzerik, emea, irudimena eta jaia askatuz. Izan ere, bat eta bera dira emearen bidea –hots,
emakumeen biziraupen eta askapen bidea– eta herri ukatuena.
Emearen bidean, bada, herrigintza eta feminismoa uztartzen dira.

Disponibile da: 15/06/2022.

Lunghezza di stampa: 258 pagine.

Scienze sociali

Altri libri che potrebbero interessarti

Ganorexia

Alberdania, Iñaki Segurola

«Ez dago ondo idazterik. Barkatu: aurreneko pertsonan esango dut: nik ez daukat ondo idazterik. Uneoro sentitzendut, jasaten dut. Bakarren batek esan izan du nik ondo idazten dudala. Eskertzen diot, baina ez dut uste hola denik.Nik idazten dut era batean. Estilo batekin, estilo jakin batekin. Beste batzuek ez daukate estilorik. Sinetsarazi diete ezdutela herrenik egin behar inongo aldetara eta ibilera zuzen baten jabe izan behar dutela, eta horrela, munduaz ari –idatzi– behar dutela munduan sekula haizeak inondik joko ez balu bezala. Beti udazkeneko egun epel laino-geldibatean bageunde bezala. Ondo idaztea hori izango da? Auskalo. Hemen era jakin batean idazten dugu; herren minbatekin gabiltza. Hemen idazten dugun –irakurtzen den– munduak herrena egiten du geurekin batean.»Herrena, ezina: ganorexiaren aurreneko seinalea».Iñaki Segurola«Egin ditudan peskizengatik 2021ko udazkenean hasi zen Ganorexia idazten. Argi, arin eta gozo (AAG) bizi izan zenbolada batean hain zuzen ere. Hainbat pasartetan zer nolako buru argia duen ikusten da, iraganeko motxilaksorbaldatik arintzeko beharra ere bai, eta gure artekoan, gizakien arteko hartu-emanetan, gozotasuna bilatu nahiaere nabari zaio.»Gerora etorri zen gaitza, berak sakoneta beltza deitzen zion depresioa eta beronekin batera insomnioa,beldurrak, bakardadea, damuak, dolu zaharrak eta maskarak, horiek denak ikusiko dituzue testuan».Garbiñe Larrea

Mostra libro

Egun gorrietan - Sigi-sagako...

Elena Martínez

"Gogoetagileak ibilian bezala hitz egiten digiu orrialdeotan. Saiakeraren urrezko arauak onetsita, pentsamendu kritikoa lemazain, zorroztasunez eta gertutasunez. Ibilian bezala beti, baina sekula ez flâneur axolagabearen moduan. Gizartean mugitzen diren indar ageriko zein isilpekoagoen arteko dialektikari etengabe erreparatuz, etengabeko solasaldi horren zergaitiak eta eraginak ulertu, azaldu eta barneratzea helburu. Eta-zergaitik ez?- aldatu beharrekoak aldatzen laguntzeko, gure garaietan-eta historian zehar- noiznahi eta nonahi nagusi dabiltzan zentzugabekeri, bidegabekeria, sasiargudiatzea agerian jarriz. Hogeita bost pieza dotoretan eskatzen digu Elena Martinez Rubiok mundu-ikuskera baten
berri zehatza, egin dituen bidaien harira eta bere zaletasunez zipriztinduta, askotariko gaietan
zehar: historia, politika, literatura, antropologia, hizkuntzak, filosofia, zientzia… Hortik  sigi-sagako gogoetak , alor eta bide desberdinetan zehar egindako hausnarketak
baitira, literatur saiakeraren erregistroan emanak, bai estiloz, bai gaiaren beraren trataerari
dagokionez ere. Publio Terenzio zaharrak erakutsitako bidetik, giza kondizioari dagokion ezer ez zaio
saiogileari arrotz. Ezta irakurlearen gozamena ere."

Mostra libro

Loa eta ametsak - Fenomeno hauei...

Louis Ferdinand Alfred Maury

Eta ametsa ez balitz enigma mistiko bat, baizik eta espirituaren laborategi bizia? “Loa eta ametsak” lanean, Alfred Mauryk, XIX. mendeko psikologia esperimentalaren aitzindariak, ikerketa liluragarria egiten du kontzientzia zalantzan jartzen denean gertatzen denari buruz: ametsen jatorria, irudien kateatzea, oroitzapenen rola, ilusio hipnagogikoak, amesgaiztoak, somnabulismoa, estasia, hipnotismoa, mozkorra, delirioa… Ezer ez da ausaz uzten. Bere buruaren behatzaile nekaezina izanik, Mauryk esperimentuak eta kontakizun zehatzak biderkatzen ditu (esnatze eragindakoak, loaldian zehar sentsorial estimuluak, sentsazio errealen eta amets eszenen arteko korrespondentziak) ametsen mekanika desmuntatzeko eta gorputzarekin, zentzumenekin eta oroimenarekin dituen lotura estuak erakusteko. Orrialdeetan zehar, mugak lausotzen dira ametsaren, eroaren eta jenioaren artean: espirituak asonantzien bidez lotzen du, inpresioak handitzen ditu, haluzinazio sinesgarriak sortzen ditu, eta batzuetan oroitzapen ezabatuak agerian uzten ditu. Argia, metodikoa, askotan harrigarria, klasiko honek psikologia, fisiologia eta testigantza liluragarriak elkarrizketan jartzen ditu. Imajinazioari, kontzientziari edo gaueko misterioari buruz galdetzen duenarentzat, obra fundatzailea da, ausarta eta izugarri modernoa —entzuteko moduan zientifiko eta intimo abentura bat bezala, non ametsak hitz egiten ikasten duen.

Mostra libro

Euskal Herriko 40 emakume - Egon...

Cira Crespo

LABURPENA:Kuxkuxeroa zara?Gustatzen zaizu zu jaio baino lehenzure herrian zer gertatu zen jakitea?Eta mota askoko jendea ezagutzea?Orduan, hau da zure liburua.Hemen ezagutuko dituzugure gizarteari egindako ekarpenagatik erreferentzia direnEuskal Herriko emakumeak eta gizataldeak.Belaunaldi berrientzat erreferentzia direneta jada hilik dauden emakume haueihistoriak ez die merezi duten errekonozimendua eman.Eremu guztietako emakumeeklortu zituztenak ezagutaraziko dizkigute:idazleak, kazetariak, pedagogoak,bertsolariak, margolariak, argazkilariak,ilustratzaileak, sukaldariak.Ilustrazio deigarriak dituen liburua daeta teknika desberdinak erabili dira:akuarela, koloretako arkatzak, collage.Has zaitez emakume hauek ezagutzen,aho zabalik utziko zaituzte.IRAKURKETA ERRAZA bilduma, irakurtzeko eta ulertzeko zailtasunak dituzten pertsonei zuzenduta dago. Liburuetan hizkuntza erraza, zuzena eta egunerokoa erabiltzen da. Hizki handiak, bazter zabalak, ilustrazioak eta hitzen definizioak, koadroetan, erabiltzen dira.

Mostra libro

Berbelitzen hiztegia

Anjel Lertxundi

Berbelitz, liburuko itzultzaile protagonista, gaztetatik hasi zen beste hizkuntzetako obrak euskarara itzultzen, beste munduak, beste begiradak, beste kulturetako sentiberatasunak euskarara ekartzen. Jakin-gose, apunteak hartzeko ohitura du bere itzultzaile lanaz bezala bere bizitza xumeko gorabeherez ere. Baina, urteari urte, apunteak pilatzen joan zaizkio, karpetak eta karpetak bete ditu ikusi eta bizi izan duenari buruzko apunteekin, bere baitako hausnarketekin, etxetik kanpora eta kanpotik etxera egindako bidaia benetakoekin eta mentalekin. 
Baina urtetako lanak merezi izan ote du, hainbeste paperen artean ba ote dago fundamentuzko ezer? Apunteak erre ez erre dagoela, lagun idazle bati eskaintzen dizkio karpetak, zernahi egin dezan bertako apunteekin. Idazleak, karpetetako materiala begiratu ostean, interesgarriena jaso, eta lagunaren obsesio nagusien hiztegi bat —itzultzaile baten lanabes nagusia— osatuko du Berbelitzen hainbat testurekin. 
Fikzioaren eta saiakeraren arteko testu hibrido bat da emaitza; Berbelitz itzultzailearen bitxikeriak eta jenialtasunak aurkituko ditu irakurleak haren oroitzapenen eta eguneroko bizitzaren zabuan.

Mostra libro

Humanitatearen une gorenak

Aritz Galarraga

«Hemen ere, artearen eta bizitzaren eremu guztietan bezala, une gorenak, ahaztezinak, oso arraroak dira», idatzi zuen Stefan Zweig austriarrak. Horretaz kontziente, Aritz Galarragak liburu honetan bildu ditu humanitatearen une goren batzuk, alegia, eguneroko bizitza arruntaren gauza txikiak, gorabehera ezdeusak, lehen kolpean atentzio berezirik ematen ez dutenak, aktualitatearen diktaduratik urrundu eta inguruko errealitateari begiratzen diotenak. 
Ezinbestean agertzen dira hala irakurketak, lagunarteak, kotidianitateak eskaintzen dituen sorpresa atseginak –eta, batzuetan, ez hain atseginak–. Paseoaz, siestaz, ardoaz ari zaizkigu testu batzuk, hilerrietako bisita, edertasun, inskripzioez beste batzuk, Mitteleuropaz, Mediterraneoaz, noski Frantziaz, eta ia-ia pertsonaia balira bezala azaltzen dira Annie Ernaux, Chantal Akerman, Antoine Compagnon edota MZ; eta, besteren gainetik, haiek sortutako obrak.
Jatorrian prentsarako zutabe, biziberrituta agertzen dira Humanitatearen une gorenak liburua osatzen duten testuak, edizio lan zorrotz bati esker; modu horretan, pieza solte zirenak, haien arteko elkarrizketan ari zaizkigu hemen, barne korronte sendoez zeharkatuak, osotasunean. Eta azken emaitza, hartara, saiakera literario askotariko bat da, Michel de Montaignek ireki zuen bidetik, idazlearen kezka itxuraz hutsalak, eta era berean erabat unibertsalak, modu pertsonalean ekartzen dituena.

Mostra libro