Casa editrice: Charity Bradford
Kerri het Eric se voorstel voorheen van die hand gewys, al is sy met haar hele hart lief vir hom. Met Kersfees wat nader kom, weet sy hy gaan weer vra. Sal sy uiteindelik haar vrese oor haar rumatoïede artritis opsy kan sit en ja kan sê? Of sal sy hom laat gaan omdat sy dink hy verdien beter?
Envy se lewe is goed. Goeie broer, goeie kêrel en die beste werk wat ‘n meisie voor kan vra … kroegmeisie by een van die beste klubs in die stad. Ten minste was dit goed totdat sy ‘n oproep gekry het van een van haar beste vriende dat haar kêrel die vertikale limbo op die dansvloer doen by Maan Dans. Haar besluit om hom te konfronteer begin ‘n ketting van gebeure wat haar sal voorstel aan ‘n gevaarlike paranormale wêreld weggesteek onder die daaglikse sleur. ‘n Wêreld waar mense kan transformeer na swart luiperds, lewende vampiere wat in die strate wandel en gevalde engele wat saam met ons rondloop. Devon is ‘n weerswart luiperd, ‘n bietjie rof om die kiewe en een van die mede-eienaars van Maan Dans. Sy wêreld word op sy as gedraai wanneer hy ‘n aanloklike jakkelsvrou met rooi hare in sy klub sien dans, gewapen met ‘n siniese hart en ‘n skokstok. Met ‘n vampier oorlog in volle gang rondom hulle, sweer Devon om hierdie vrou sy eie te maak ... en sal veg soos die hel self om haar te kry.Mostra libro
Berlyn, 1936. Hardebaard speurder Bernhard – "Bernie" – Günther word deur 'n miljoenêr-sakeman ingeroep om die moord op sy dogter en skoonseun op te los en waardevolle juwele wat tydens die inbraak gesteel is, te vind. Gewoonlik is Günther op die spoor van vermiste persone, maar in dié onstuimige politieke klimaat betree hy 'n donker onderwêreld waar misdaad, korrupsie en onderhandelinge met Nazi-leiers aan die orde van die dag is. Sy soektog ontbloot 'n skandaal wat hoëkoppe soos Hermann Goering en Heinrich Himmler betrek … Smerige nagklubs, smeulende filmsterre, oorvol lykshuise en onderonsies met die Gestapo lei uiteindelik tot 'n skokkende onthulling. Die roman speel af in Nazi-Duitsland – 'n milieu wat Kerr met vernuf skets. Dié Afrikaanse uitgawe van March Violets is die eerste boek in Kerr se Berlin Noir-reeks, sy eerste Bernie Günther-trilogie. Vertalings van die volgende twee romans in die reeks, The Pale Criminal en A German Requiem, verskyn in 2019.Mostra libro
Maat Niekerk is 'n bedryfsielkundige en gewese staandemaglid. Hy is geskei en ’n geswore alleenloper. Hy het voorheen gekonkel vir groot maatskappye en die kapitalistiese bestel. Hy het ’n ommeswaai gemaak en is nou ’n lid van die geheime organisasie NEST (New Earth Settlement Territories), wat bekommerd is oor die vernietiging van hulpbronne, virusse en ekstreme weerstoestande. Hulle het ’n duisend plekke op aarde geïdentifiseer wat geskik sou wees vir oorlewing ná ’n ramp. Die dorpie Joegaai, aan ’n rivier en die see, is een van daardie plekke. Maat verhuis daarheen om aanvoorwerk te doen. Daar is nog ’n inkommer op die dorp: die geheimsinnige Hannes Lubbe – ’n alias. Sy bynaam is Assegaai omdat hy al wat lem is so flink kan gooi. Hy is ’n doodmaakmasjien. Hy was in die weermag en daarna sluipmoordenaar vir allerlei geheime organisasies. Hy het opdrag ontvang om Maat te elimineer – hy werk vir Groot Kapitaal wat NEST en die groenes wil ondermyn. Hy woon in ’n karavaan op die strand. Die dorpie is vol kleurvolle karakters met geheime agendas. Dis ’n soort eietydse Koöperasiestories – uiters onderhoudend, dikwels skreeusnaaks en boonop spannend. _______ Die karakters is heerlik en gekompliseerd. Dit is spannend soos misdaadfiksie, maar dis meer as krimi – dit bied ’n gekantelde blik op die mensdom, subtiele satire en heelwat tussen die reëls. —Deborah SteinmairMostra libro
Een onsterflike. 'n Ewigheid van verveling. Eens op 'n tyd is Odin deur konings aanbid, deur krygers gevrees, en as die wysste van die gode geëer. Nou? Sy mede-onsterflikes ignoreer hom, Freyja se katte wil hom net nie met rus laat nie, en selfs Ragnarok klink minder uitputtend as nog 'n dag in Asgard. Dus doen Odin wat enige vermoeide onsterflike sou doen. Hy tree af. Vermom as Woody Hunt, trek hy in 'n aftree-oord in Midgard in, in die hoop op 'n bietjie vrede en stilte. In plaas daarvan vind hy 'n klomp stoute pensioenarisse, 'n aftreegemeenskap wat smag na ‘n bietjie pret, en net genoeg chaos om hom te herinner waarom die lewe die moeite werd is. Maar wanneer moeilikheid uit Asgard hom na die Aarde volg, moet Odin besluit of hy regtig gereed is om sy ou lewe agter hom te laat. 'n Hartverwarmende fantasiekomedie oor aftreding, vriendskap, en om doelgerigtheid te vind — selfs na 'n paar duisend jaar.Mostra libro
"Die tandmuis" is 'n oulike storie oor 'n tandmuis wat op 'n plaas woon en elke jaar 'n briefie aan die dorp se kinders stuur om hulle aan te moedig om mooi na hulle tandjies te kyk. Hy beloon hulle met 'n geldjie vir elke spierwit tandjie. Baie van die muise op die plaas moet hul huisies van modder en riete bou omdat die tandmuis net 'n paar tandehuisies per jaar kan bou. Elke jaar word baie muisies se riethuisies deur die harde winterreën vernietig. Rosie, 'n plaasmuis, is tiende op die lys om 'n tandehuisie te kry en het 'n slim plan beraam om die tandmuis te help om tande vinniger bymekaar te maak sodat almal voor die winter pragtige en warm tandehuisies kan hê.Mostra libro
This audiobook is narrated by an AI Voice. Om hom te verloor was erg. Om hom terug te kry is erger. Behalwe vir haar kloustrofobie, is Emily van Lynden se lewe perfek. Êrens moes sy iets reg gedoen het om ’n man soos Zander te kry. ’n Man wat haar liefhet ten spyte van haar eienaardighede. Nuus dat Zander vermoedelik in ’n motorbomontploffing oorlede is, verpletter Emily se perfekte lewe. Wanneer Zander ’n paar dae later ongedeerd by die huis opdaag en daarop aandring om Alex genoem te word, voel dit vir Emily soos die begin van die einde. Haar eens liefdevolle man, is nou afsydig, koud, intimiderend, en selfs by tye wreed. Klein ruimtes is nie meer haar enigste vrees nie. Haar vrees het nou ’n stem en ’n gesig. Die gesig van die man wat sy liefhet.Mostra libro
