Die Dood het Vlerke - 'n Obed de Swardt Riller Boek 4

Gerrie Radlof

Summary

4. DIE DOOD HET VLERKE - SWERWER SPEURDER REEKS

Die landing van die internasionale rolprentster, Manine Minette in Johannesburg, is ’n media skouspel. Sy is die ster van die multimiljoen randproduksie, Vrou van die Eeue, en haar aankoms is veronderstel om ’n triomf te wees. Maar agter haar glansryke glimlag skuil ’n doodse vrees. Mislukte ontvoerings pogings in Londen het haar tot in Suid-Afrika agtervolg, en sy is oortuig daarvan dat die genadelose figure wat haar jag, hul net daagliks nouer trek om haar leed aan te doen.

Ondanks ’n oormag polisiemanne en privaat sekuriteit, gebeur die ondenkbare. Tydens ’n swaar bewaakte onthaal in haar luukse hotel suite, verdwyn Manine spoorloos. Die enigste leidraad is ’n stel aanmekaar geknoopte lakens wat by haar venster op die derde verdieping uithang. Dit is ’n waaghalsige ontsnapping wat te eenvoudig, te opvallend en te perfek lyk.

Terwyl die polisie ’n landwye soektog loods, betree die enigmatiese privaatspeurder, Obed de Swardt, die toneel. Bekend as die “swerwer-speurder”, besef hy gou dat die oënskynlike ontvoering slegs oëverblindery is vir ’n veel dieper en meer sinistere komplot. Sy ondersoek plaas hom egter direk in die visier van die skuldiges, en in ’n briljante set word hy self die hoof verdagte. Nou is hy ’n voortvlugtige, gejag deur sersant Eksteen en die polisie, asook die sindikaat wat hom die sondebok gemaak het. In ’n dodelike stryd teen tyd moet Obed die waarheid ontbloot. Is die motief ’n eenvoudige losprys, of is dit korporatiewe sabotasie deur ’n mededingende rolprent maatskappy? Of is Manine se lot iets veel ergers, ’n transaksie waar haar lewe die prys is? Met verraad wat om elke hoek skuil en niemand wat hy ten volle kan vertrou nie, moet Obed die bobaas brein agter die komplot probeer ontmasker. Maar met elke tree nader aan die waarheid, word die gevaar groter en die kanse op sy en Manine se oorlewing al hoe skraler.

#SwerwerSpeurderReeks

Available since: 08/16/2025.

Print length: 114 pages.

Other books that might interest you

Hans-Nazi's

Philip Kerr

Berlyn, 1936. Hardebaard speurder Bernhard – "Bernie" – Günther word deur 'n miljoenêr-sakeman ingeroep om die moord op sy dogter en skoonseun op te los en waardevolle juwele wat tydens die inbraak gesteel is, te vind. Gewoonlik is Günther op die spoor van vermiste persone, maar in dié onstuimige politieke klimaat betree hy 'n donker onderwêreld waar misdaad, korrupsie en onderhandelinge met Nazi-leiers aan die orde van die dag is. Sy soektog ontbloot 'n skandaal wat hoëkoppe soos Hermann Goering en Heinrich Himmler betrek …
Smerige nagklubs, smeulende filmsterre, oorvol lykshuise en onderonsies met die Gestapo lei uiteindelik tot 'n skokkende onthulling. Die roman speel af in Nazi-Duitsland – 'n milieu wat Kerr met vernuf skets.
Dié Afrikaanse uitgawe van March Violets is die eerste boek in Kerr se Berlin Noir-reeks, sy eerste Bernie Günther-trilogie. Vertalings van die volgende twee romans in die reeks, The Pale Criminal en A German Requiem, verskyn in 2019.

Show book

Maak My Wakker Voor Jy Gaan - A...

T. M. Bilderback

Die nuwe nagklub in die stad is 'n lokval vir Justice Sekuriteit, gestel deur hul grooste aardse vyand, Esteban Fernandez.Die nuutste en warmste nagklub in die stad het Justice Sekuriteit gehuur om sy klante te beskerm teen gevaar. Elke aand was die klub oop is, moet daar ‘n roterende vors van vier brommers en twee gewone drag personeellede tussen die betalende klante sirkuleer, net soos die bestuurder gevra het.
Vanaand het Joey Justice en Misty Wilhite opgedaag in die rotasie, saam met die klimmers Brandon King en Patty Ferguson. Toe Joey en Misty arriveer het Joey die klub binnegegaan terwyl Misty terug kar toe is vir ‘n vergete item. Terwyl Misty by die kar is, sien Misty die klub word oorgeneem deur ‘n groot vors gewapende mans en al die uitgange word geseël.
Binne word die ware eienaar van die klub indentifiseer as Justice Sekuriteit se grootste vyand, die Meksikaan dwelm kartel leier Esteban Fernandez, wie telefonies dreig om al die klub klante te vermoor tensy Joey homself opgee en Misty binne toelaat.
Op ‘n ander front, terwyl amper al die beskikbare personeel by die klub is, is ‘n moordenaar los in die amper verlate Justice Sekuriteit gebou. Die moordenaar is stil, vinnig en ‘n glibberige kalant. Jessica Queen, een van Justice Sekuriteit se nuutste vernnote, het ‘n klein groepie in die geslote gebou en moet die moordenaar vind ... of self vermoor word in die proses.
Vasgevang binne die klub saam ‘n klompie honderd onskuldige mense tydens ‘n dodelike kat-en-muis spel, moet Joey en sy vier brommers hul bes probeer om almal veilig te hou en nie gevang te word nie. Terwyl tyd uithardloop, maak ten minste een van Justice Sekuriteit se span lede die grootste opoffering ... maar kan hulle almal red? En kan die twee aanvalle verwant wees?
Geïnspireer deur die treffer lied “Wake Me Up Before You Go-Go” en vol spanning en afwagting, beloof “Maak My Wakker Voor Jy Gaan-Gaan” om jou op die punt van jou stoel te hou tot op die laaste bladsy!
PUBLISHER: TEKTIME

Show book

Moord in die Myn - 'n Obed de...

Gerrie Radlof

’n Ontploffing skeur deur die Main Deep goudmyn en begrawe ’n span mynwerkers lewendig.

Maar terwyl een ingenieur sy laaste asem uitblaas, fluister hy ’n kriptiese leidraad wat hierdie tragedie in ’n moordondersoek verander.

In die hart van die Johannesburg se goudvelde daag die briljante privaat speurder Obed de Swardt, die “Swerwer Speurder,” by die toneel op. Terwyl die polisie die ramp ’n tragiese ongeluk noem, is Obed oortuig daarvan dat dit sabotasie was. Sy vermoedens word bevestig wanneer hy wreed ontvoer word deur genadelose agente wat desperaat is om te weet wat die sterwende man vir hom meegedeel het.

Nou ’n gemerkte man, word Obed in die harde wêreld van internasionale spioenasie en ’n dodelike komplot gegooi. Hy moet die identiteit van die geheimsinnige meisie van die partytjie ontbloot en ’n gesofistikeerde sabotasienetwerk blootlê voordat hulle weer toeslaan. Maar die meesterbrein agter die komplot is ’n gevaarlike en boeiende vrou uit sy verlede. ’n Vrou wat net so geneig is om hom dood te maak as om hom te soen.

Hierdie mengsel van klassieke avontuur en spioenasiefiksie is ’n moet lees vir enigiemand wat van meedoënlose aksie en ingewikkelde raaisels hou. Perfek vir aanhangers van Alistair MacLean en vinnige roman rillers.

’n Dooie liggaam, ’n donker myn en ’n dorp vol geheime. Aanhangers van sensasionele romans, aksie en spioenasie spanning, julle volgende obsessie is hier. Moord in die Myn is die plofbare nuwe hoofstuk in die moet lees Swerwer Speurder reeks. Begin lees vandag!

Show book

Nag van geen Genade - 'n SA...

Gerrie Radlof

1. NAG VAN GEEN GENADE - SA POLISIE REEKS

Speurder sersant Kobus Roode is ’n man van aksie en nie van kantoorwerk nie. Toe ’n reeks sogenaamde verdrinkings, insluitend die van twee wet dienaars, die kusdorpie Driehoeksbaai in ’n plek van vrees verander, vermoed hy dat die verraderlike seestrome nie die ware skuldige is nie. Onder die dekmantel van ’n sorgvrye vakansieganger infiltreer hy die oënskynlik rustige gemeenskap, vasbeslote om die donker geheim wat onder die idilliese oppervlak skuil, oop te vlek.

Sy ondersoek neem egter ’n noodlottige wending toe hy die beeldskone maar enigmatiese Marsha Brackley ontmoet. ’n Ontspanne middag op die afgeleë strand ontaard in ’n nagmerrie toe Kobus onverwags deur ’n monsteragtige gorilla oorval word en in die verraderlike branders ingesleep word. Vir dood agtergelaat, word dit duidelik dat die Brackley-familie, met hul afgesonderde landgoed en versameling wilde diere, ’n dodelike geheim bewaak, een waarvoor hulle sonder huiwering sal moor.

Maar Kobus Roode word nie so maklik van kant gemaak nie. Terwyl die dorp glo hy is die vyfde slagoffer, moet hy as ’n spook in die skadu’s opereer om die waarheid te probeer ontbloot. Hy vind ’n onverwagse bondgenoot in die pragtige verpleegster, Annie le Roux. Maar in ’n plek waar niemand vertrou kan word nie, kan sy dalk sy redding of sy finale ondergang beteken. Nie lank nie of hy vind genoeg inligting van ’n sameswering, iets wat groot en gevaarlik is en vir ŉ spesifieke aand beplan word. In ’n wedloop teen tyd, met moordenaars wat voortdurend al hulle spore uitwis, moet Roode dieper delf as ooit tevore. Vasgevang in ’n dodelike kat-en-muis-speletjie, moet hy die waarheid agter die moorde ontbloot voordat die nag van geen genade sy laaste asem eis.

#SAPolisieReeks

Show book

Kiem van die Dood - 'n Obed de...

Gerrie Radlof

9. KIEM VAN DIE DOOD - SWERWER SPEURDER REEKS

Obed de Swardt, eksentrieke miljoenêr, voormalige rugby ster en briljante privaatspeurder, is verveeld. Sy rustige lewe by Drie Gewels word egter verbrysel toe ’n koerantberig oor ’n reeks grusame seks moorde sy aandag trek. ’n Geheimsinnige oproep van ’n desperate vrou lok hom dieper in die saak in, maar in plaas van antwoorde, vind hy homself in die middel van ’n dodelike hinderlaag.

Oornag word die jagter die prooi. Beskuldig van ’n moord wat hy nie gepleeg het nie, met sy vingerafdrukke op die moordwapen, word hy Suid-Afrika se mees gesoekte voortvlugtige. Maar die polisie is die minste van sy probleme. ’n Genadelose, internasionale spioenasie ring, gelei deur ’n yskoue en verleidelike vrou met ’n persoonlike vendetta teen hom, het hom in hul visier. Hulle hou die een ding wat vir hom kosbaar is as gyselaar, sy geliefde Tessa. Sy word in ’n diaboliese lokval aangehou waar een verkeerde beweging haar onmiddellike dood beteken. Om haar lewe te red, word Obed gedwing om ’n onmoontlike taak te verrig. Hy moet ’n dodelike biologiese geheim gaan steel, “die kiem van die dood”, en drie van die land se mees invloedryke persone elimineer, insluitend ’n kabinetsminister.

Met elke beweging gemonitor deur die sindikaat se geharde agente, moet Obed sy vernuf tot die uiterste beproef. Hy moet die polisie ontduik terwyl hy die spioene se bevele uitvoer. In ’n skouspelagtige, vuurdoop oomblik orkestreer hy ’n motor ongeluk om een van sy teikens se dood te veins, en in die proses raak hy so van een van sy waghonde ontslae. Maar met elke slim skuif word sy vyande net meer agterdogtig en die strop om sy nek, en om Tessa sin, trek al hoe stywer. Gevang tussen die gereg wat hom as moordenaar soek en ’n vyand wat geen genade ken nie, raak Obed se tyd en opsies vinnig op. Hy het later net een laaste, desperate kans. Maar kan hy die onmoontlike regkry wanneer een klein foutjie nie net sy eie lewe sal kos nie, maar ook die vonnis van die vrou vir wie hy lief is, sal voltrek?

#SwerwerSpeurderReeks

Show book

Die Bloedhonde Blaf - 'n SA...

Gerrie Radlof

3. DIE BLOEDHONDE BLAF - SA POLISIE REEKS

In die skadu’s van Pretoria se politieke mag spel word ’n waaghalsige inbraak die vonk in ’n kruitvat. ’n Koue, berekende moordenaar, Albert Goernich, laat ’n spoor van bloed agter nadat hy ’n wag koelbloedig vermoor en met staatsgeheime ontsnap wat die land se veiligheid ernstig bedreig. Sy desperate vlug in ’n swart Jaguar is ’n adrenalien belaaide jaagtog teen die polisie, wat hom diep in die ongetemde Bosveld in dwing.

Op sy spoor is speurder sersant Kobus Roode, ’n man van die veld, ’n meester spoorsnyer vir wie die Bosveld geen geheime inhou nie. Met sy getroue bloedhonde aan sy sy, begin ’n meedoënlose jag. Maar Goernich is nie ’n gewone voortvlugtige nie. Hy is slinks, vindingryk, en deel van ’n groter, gevaarliker sindikaat wat nie sal skroom om enigeen uit die weg te ruim wat in hulle pad staan nie. Die saak neem ’n donker, persoonlike wending wanneer die desperate Goernich ’n onskuldige boeregesin gyselaar neem en uiteindelik met hul dogter, Jeanette Booysen, in die wildernis verdwyn. Die jagtog ontaard toe in ’n redding sending. Kobus, wat nou alleen en afgesny is van sy mense, moet diep delf in sy kennis van die veld om die ontvoerders op te spoor.

Wanneer ’n gewelddadige konfrontasie Kobus en Jeanette wapenloos en gestrand laat, vind hulle skuiling op die afgeleë plaas van die skynbaar gasvrye Bernhardt le Roux. Maar in die stilte van die Bosveld is niks soos dit voorkom nie. Kobus besef gou dat hierdie plaas nie ’n toevlugsoord is nie, maar die moontlike episentrum van ’n dodelike sameswering. Die jagter word die prooi. Vasgekeer en van die buitewêreld afgesny, moet Roode nie net vir sy eie lewe en die van Jeanette veg nie, maar ook om die waarheid agter ’n komplot te ontbloot wat veel groter en gevaarliker is as wat hy ooit kon dink. In ’n plek waar hulp myle ver is en elke vriendelike gesig ’n moordenaar kan verberg, is sy skerpste wapen sy verstand, maar sal dit genoeg wees?

#SAPolisieReeks

Show book