Il casti da Flem e sia stiva biala

Hans Rutishauser, Monica Bilfinger

Casa editrice: Gesellschaft für Schweizerische Kunstgeschichte

Sinossi

Amiez las muntognas svizras, el vitg da Flem, secatta il casti construius el 17avel tschentaner, la casa da habitar dil beinstont e pussent Johann Gaudenz de Capol (1641–1723). Igl edifezi cun sias stuccaturas scaffidas d’artists mesolcins e tudestgs, cun sias pegnas ord il contuorn dil Lag da Constanza e sia stiva tablegiada d’in meister ord la Tiaratudestga dil Sid ed ina tabla dad Eger, s’uneschan influenzas ord l’entira Europa da lezzas uras. Il patrimoni architectonic ei in excellent excellent con aviarts e colligiai ch’ils habitonts d’antruras eran. Medemamein era la historia ed il decuors dalla casa, aschia vegn la “stiva biala” emprem vendida a Berlin 1883 e plitard al Metropolitan Museum of Art a New York, nua ch’ella sesanfla aunc oz. Mo era la transformaziun dalla casa da habitar tier la casa communala da Flem muossa a moda exemplarica ina part dalla historia d’art e cultura dalla Svizra.

Disponibile da: 07/10/2025.

Lunghezza di stampa: 52 pagine.

Arte, musica e cinema

Altri libri che potrebbero interessarti

La Cuort Ligia Grischa a Trun

Sandro Decurtins, Marc Antoni Nay

La Cuort Ligia Grischa a Trun ei in dils pli bials ed imposants baghetgs historics dalla Surselva. La casa patriziana impressiunonta dominescha dapi tschentaners il maletg dil vitg. Construida eis ella vegnida ils onns 1674–1679 per incumbensa dalla claustra da Mustér sils fundaments da baghetgs antecessurs. La casa surveva sco center administrativ dall’economia claustrala e residenza da stad dils avats. Il medem mument era la casa era liug da dieta dalla Ligia Grischa. Suenter la fin dalla Republica dallas Treis Ligias e la decadenza economica dalla claustra il 19avel tschentaner ei il baghetg ius en possess privat avon ch’el ei vegnius acquistaus 1934 dalla Fundaziun Cuort Ligia Grischa e vegnius transformaus en in museum. Sper la historia gioga oz igl art ina rolla centrala ella Cuort Ligia Grischa. Ovras originalas dils artists ils pli renomai da Trun, Alois Carigiet, Matias Spescha e Gieri Schmed, ein oz part dall’exposiziun permanenta el museum.

Mostra libro