La fuercia - o les cuatro epifaníes de Martín Feito

Xaime Martínez

Sinopsis

Martín Feito ye un escritor neurasténicu que tien la mala suerte de que-y dean una beca de creación lliteraria. Ensin una idea clara sobre la qu'escribir y sabiéndose un piraván, decide retirase en busca d'inspiración al pueblu de Chaneces, aldea con poques cases y menos vecinos asitiada nun valle domináu pola Central, una esplotación térmica que gobierna tola redolada cola so imponente chimenea y el runfíu constante de los sos motores.
Lo que nun sabe Martín Feito yera que nesos mesmos montes de Chaneces tán abellugaos Manulón el de Porgüechu y los sos camarades, últimos resistentes d'una partida guerrillera que nun se quier dar al Imperiu y colos que l'aspirante a novelista combaya, llevando y trayendo llectures a espaldes de la fuercia pública que los persigue.
Asina, ente visites clandestines a los fugaos, intentos fatos de cortexar a una ceramista lesbiana, de combayar colos parroquianos que lu desprecien y cacíos de café puro, pasen los díes de Martín Feito, ensin que seyamos a dixebrar lo que ye real de lo que produz la mente hiperventilada del xuntalletres. La fuercia o les 4 epifaníes de Martín Feito ye una novela de vaqueros y vaqueiros, protagonizada por un escritor alloriau que se mete nun enguedeyu curiosu. Una obra sorprendente y perinxeniosa qu'amuesa tol universu creativu de Xaime Martínez, un territoriu que va dende la mitoloxía grecollatina hasta les historietes de superhomes.

Disponible desde: 09/12/2021.

Narrativa

Otros libros que te pueden interesar

Los Tordos

Vicente García Oliva

Nes trincheres d'El Mazucu, nos díes caberos de la Guerra Civil, dos hermanos d'armes, Higinio Carrocera y Tordín, sincérense l'unu col otru y faen memoria de les sos vides. La situación ye desesperada y namás un puñáu de combatientes caltién la resistencia del Frente Norte.
Años atrás, los neños de l'aldea de Castañera Alta, na cuenca del Nalón, reciben con curiosidá o con rocea la llegada d'una familia de xente probe, a la que nun van tardar en colgar el nomatu de los Tordos. A la reciella sobretoo lláma-y l' atención Sabela, la rapacina de los recién aportaos, una neña de güeyos tan negros como la fame qu'arrastren. Unos güeyos que posen en Miguel, al que toos llamen el Profe. Y Miguel siente nesi momentu tol vértigu que puedes sentir cuando tienes catorce años y la vida preséntase ensin avisar.
Vicente García Oliva, ún de los narradores asturianos más destacaos, firma una obra de madurez lliteraria que nos envuelve y afalaga, ensin facer ruíu nin gastar efectismos. Una hestoria de xente sencillo viviendo momentos trescendentales na historia del so país.

Ver libro

Cróniques d'un machista feminazi

David Artime

Fran la Joya Medina ye un tipo modernu. Siempre fue respetuosu colos espacios de les muyeres y deconstruyóse a sí mesmu como varón. Hasta qu'un sábadu pela nueche, borrachu, ve a la moza perreando de folixa.
Entós too salta pelos aires. Les certeces desapaecen y surden les inseguridaes de la so masculinidá fráxil. Entós vuelve colos sos amigos cuarentones y les sos diversiones tardoadolescentes. Entós conoz a Míster 
Polla, un coach de seducción enforma popular qu'aprende a los paisanos fracasaos la cara auténtica de les muyeres.
Fartucu d'unos y otros, Fran entama'l Movimientu Pagafanta Involuntariu. L'apaición de l'Asociación de Muyeres Violentes y los sos ataques terroristaes va arrastrar el tableru de la llucha pola igualdá de xéneros a una dimensión nueva y definitiva.

Ver libro