Outros livros que poderiam interessá-lo

• 

  Avelaiñas Eléctricas

  Sica Romero

  • 0
  • 0
  • 0

  Avelaíñas eléctricas é a historia de dúas mulleres galegas na súa vintena, Olivia e Mariña, que ao remataren a carreira de Historia da Arte, e trala súa ruptura amorosa, marchan lonxe da casa, das familias e de todo canto coñecen para buscar un futuro e buscarse a si mesmas. 
  As voces das dúas protagonistas vanse alternando para expoñer as propias experiencias e o fondo dos seus pensamentos, debullando o pasado para comprender as circunstancias e tamén as decisións que as puxeron no lugar en que se atopan. 
  Olivia, que agora vive en Barcelona e se gaña a vida como camareira, consegue que unha galería de arte acepte o seu proxecto artístico... Inda que decontado descubrirá que no mundo da arte non todo é o que semella. Mentres se afai á cidade, debe tamén facer fronte ás consecuencias de ter crecido nunha familia coa que non pode contar e da cal sempre foi e segue a ser responsable, mesmo na distancia. 
  Mariña consegue traballo nun museo de arte contemporánea. Entre descoñecidos, loita contra as pantasmas do pasado tratando de comprender o suicidio da súa tía Mar, ao tempo que agocha o medo, vergonza e dor dun trauma do pasado que a persegue cada día e a distancia de si mesma e do mundo que a arrodea. 
  Enfiando as historias, as dúas protagonistas navegan os días e as súas vidas coa forza que se precisa para seguir adiante, distanciadas mais téndose sempre presentes.

  Ver livro

• 

  Madame de Treymes

  Edith Wharton

  • 0
  • 1
  • 0

  Edith Wharton analiza e critica como os costumes e lazos sociais afogan as esperanzas de alcanzar a felicidade dunha muller nunha familia francesa de principios do século XX. Atrapada nun matrimonio infeliz, o divorcio parece impensable para a poderosa familia do seu marido, até que o seu namorado John Durham se reúna coa enigmática Madame de Treymes, a única que quizais poida dar o seu brazo a torcer. Cunha solvencia narrativa fóra de toda dúbida, a autora crea personaxes profundos e intensos, que se debaten entre o amor romántico e o amor familiar.

  Ver livro

• 

  O Parnaso sobre rodas

  Christopher Morley

  • 0
  • 0
  • 0

  Helen McGill é unha muller de 39 años que vive nunha granxa co seu irmán, Andrew, ao que só lle interesa converterse nun escritor famoso. Helen está cansa de ter que coidar sempre del, así que, cando Roger Mifflin se presenta na súa casa coa intención de venderlle a súa librería ambulante a Andrew, decide mercala ela mesma. Helen quere aproveitar esta oportunidade para vivir as súas propias aventuras e percorrer o mundo, e a travesía co señor Mifflin, chea de andanzas e sucesos extraordinarios, fai que se entusiasme coa natureza e cos libros e descubra os valores e o estilo de vida dun vendedor ambulante.

  Ver livro

• 

  Devoción

  Pablo d'Ors

  • 0
  • 0
  • 0

  No mundo do espírito non hai fronteiras, a ausencia de fronteiras é o propiamente espiritual. Un místico de hoxe pode sentir un místico de calquera pasado, sexa da súa tradición ou doutra, coma un verdadeiro irmán. A esta conclusión tan sinxela coma universal chega o autor de Devoción na súa versión de O peregrino ruso, un clásico do cristianismo ortodoxo e da literatura devocional, así como nas principais ensinanzas de cara ao autocoñecemento que extrae do seu estudo, onde chega a declarar: "Velaquí o libro que eu querería atopar cando tiña vinte anos". Tras a extraordinaria acollida dos seus últimos títulos, esta nova obra de Pablo d'Ors nace coa vocación inequívoca de transformar definitivamente os seus lectore

  Ver livro

• 

  O século do milagre

  Rodrigo Costoya

  • 0
  • 0
  • 0

  De milagres fantasiosos
  Disque Compostela naceu cando Paio, o eremita, foi guiado por unhas luminarias misteriosas ata a tumba do apóstolo Santiago. De aí o nome de Campus Stellae. E tamén disque o rei Afonso II foi o primeiro peregrino da historia. E que comezou así unha afluencia masiva de camiñantes que non cesou ata os nosos días. Unha incrible sucesión de milagres, non é?
  Pois lamento dicir que todo isto é mentira. Unha lenda, máis nada. Unha fantasía.
  
  A Compostela primixenia
  Nos primeiros tempos, ao redor dun sepulcro sen identificar non había máis nada que un burgo modesto e unha pequena igrexa. O propio Vaticano desmentiu que esa puidese ser a tumba de Iacobus, e mesmo algún bispo chegou a ser excomungado por defender esa tese. 
  
  Un milagre tanxible
  É no ano 1068 cando nace Diego. El fixo de Compostela un arcebispado, e creou a catedral máis fastosa do mundo. El coroou reis e entronizou papas, ordenou escribir os códices máis marabillosos e puxo a insignificante Compostela á altura de Roma e de Xerusalén.
  El creou o Camiño de Santiago, e en base a el forxou Europa. Esta é a súa historia, e é real.
  Isto é o que el construíu no século do milagre.
  Ata agora coñecías a lenda. Agora has descubrir a verdade.

  Ver livro

• 

  A comuna de Valdonelle

  Carlos Neira Suárez

  • 0
  • 0
  • 0

  Obra gañadora do VII Concurso Balbino de Relatos 
  Esta novela leva ao lector a unha profunda reflexión sobre o neorrural. Protagonizada por unha serie de urbanitas que deciden crear unha comuna nunha aldea abandonada do interior de Galicia. 
  Os protagonistas deberán enfrontarse aos lances propios dunha sociedade rural e todas as tensións derivadas de enfrontarse a ela dende unha visión urbanita. 
  Arquitecturizada con indubidable solvencia narrativa, “A comuna de Valdonelle” destaca polo interesante perfilado dos seus personaxes e a eficiente progresión dunha trama que leva con forza da man ao lector ata a derradeira páxina.  
  Unha lectura na que se reflicte o complexo mundo das relacións interpersoais a través dunha ficción baseada na construción dunha sorte de comuna societaria no rural.

  Ver livro